بدايةً مش هتنتظر العميل يجيلك، إنت إللي هتوصلّه على الإنترنت عن طريق عرض منتجاتك بتفاصيلها وصورها المميزة في متجرك الإلكتروني
كمان هتقدر تتعامل مع عدد كبييير جداً من العملاء لأنك مش محتاج تتعامل مع
كل واحد منهم بنفسك لأن الموقع بيعمل كل حاجه بدون تدخلك، يعني في الطبيعي
إنت كنت بتوقف تتكلم مع زبون واحد ولما تخلصه تتكلم مع زبون تاني، إنما
الموقع يقدر يدخل عليه آلاف الزبائن في نفس اللحظة وكل واحد منهم يتفرج
ويشتري إللي عاوزه وانت بس هتتابع طلبات الشراء دي من لوحة التحكم الخاصة
بيك، وبكده هتزوّد عدد مبيعاتك بشكل كبير وغير محدود.
هتقدر تحافظ على زبونك إنه يشتري منك مرة واتنين وعشره، لأن تواصلك معاه مش
بينقطع بانتهاء عملية البيع زي ما في البيع التقليدي، العميل وهو بيشتري
من متجرك الإلكتروني بيضيف بياناته سواء الإيميل أو رقم الهاتف، بالتالي
تقدر بضغطة زر توصل لكل عملاءك إللي اشتروا منك قبل كده وتعرفهم إن فيه
منتجات جديدة عندك أو خصومات في المواسم وهكذا، وتواصلك معاهم ده هيكونله
إنعكاس كبير على حجم مبيعاتك.
هيكون عندك تقارير في لوحة التحكم تقدر من خلالها تعرف إيه أكتر المنتجات
إللي عندك إللي عليها طلب، وبعت قد إيه من كل منتج في فترة محددة مثلاً آخر
شهر، وكسبت كام وإيه أكثر المناطق (محافظات أو مراكز أو مدن) إللي زباينها
بيشتروا منك وتقارير تانيه كتير بتساعدك على تطوير مبيعاتك وأرباحك بشكل
ممتاز.
من الصعب حصر مزايا التجارة الإلكترونية في مجموعة أسطر! لأن المزايا كتير
جداً هتلمسها بنفسك أو بسؤالك لأي حد جرب البيع من خلال متجر إلكتروني قبلك.
متنتظرش كتير علشان متفوتش قطر التغيير .. العالم كله ومصر معاه بتتجه للتجارة الإلكترونية، فبادر دلوقتي وأنشئ متجرك بأرخص سعر في مصر على منصة شنطة: https://shantaweb.com/ar/register
